برد ما قبل الثورة .. شعر عامي
تـحـت لـحـافـي
كوز الدرة
لو إتسقى بميّة مجاري طرح
حبة نايمة
وحبة صاحية فاكرة الميتم فرح
قالوا من أجلك
أنت تحت لحافي قلبي إنشرح
وصوتك
أمانة عليت صوتي لما زوري إتجرح
إمبارح
زرعنا واليوم حنجني وعذرا للمصطلح
ده حقنا وإلي
مش عاجبه زيه زي إلي نبح
لا ميّة
طال ولا سماد طال وعاش تحتنا شبح
قولت أفضل في
لحافي عقل صافي وإدبح
إمبارح مش
ليك واليوم مش ليك وبكرة سرح
وبعده ..
يا عالم مين إلي وسط الزحمة نطح
مسحت دمعتي
حبة في صفي بإبتسامة مرح
مش أنا
قولت.. حبة صاحية فاكرة الميتم فرح
